فى رأى المتواضع...
متصرفيش فلوس على مكياج لأن المكياج مهما كان مش حيفرق فى بشرة شكلها مرهق...
والبشرة الّلى شكلها مرتاح مش محتاجة مكياج...
وبعد لف و دوران لاقيت ان احسن حاجة عشان الواحدة ما يبقاش شكلها مرهق على طول العناية الليلية بالبشرة...
اولا لأنى بأقدر اواظب عليها اكتر عشان بليل و الولاد بيكونوا ناموا فبفتكر اساسا...و لأن الواحدة فى النهار بتغسل وشها مليون مرة ما بين الوضوء و مسح الحاجات اللّى ولدنا بيمسحوها فينا اساسا خلال النهار...هى هى هى...فباليل بركة اكتر
وزى ما قلتلكم قبل كدة على اهمية كريم الليل اكتشفت كمان العلاج السحرى اللّى هو السيروم...
فيه سيروم للبشرة وسيرم للعينين كمان...
بصراحة بيبقوا غاليين بالمقارنة بأى كريمات تانية..
لكن انا فى رأىّ مش مهم اجيب اى حاجة تانية بس اجيب سيروم للبشرة
فيه انواع كتير فى السوق طبعا و كل واحدة تختار اللّى يناسب بشرتها...
انا شخصيا بستعمل لوريال ليزر ليفت لأن انا بحب حاجات لوريال عموما...
بصوا انا مش حاقعد اوصف واشرح انتوا هاتوه بس و حتدعولى...
مستانية تعليقاتكم اذا جربتوا حاجات تانية و لاقيتوها احسن...
او اذا سمعتوا عن وصفة بيتى بديلة...
او اذا حاسين انى رايقة و فايقة و ببعتر فلوسى...هاهاهاها
"بعبروا بعبروا" مش مشكلة :)...بس متنسيش
استمتعى بنفسك الجميلة :)
No comments:
Post a Comment