عندنا فضائية :)

ازيكم يا ماميهاتى الحبيبات....بقالنا بتاع مليون سنة متكلمناش...

بالتحديد 7 شهور...

بس فيه اسباب وجيهة جدا لغيابى....

اولا فى الشهور دى انتقلت بعون الله تعالى من مرحلة بلوجر لمرحلة " فلوجر" يعنى دخلت فى كار اليوتيوب...

استجبت لاعلان عامله موقع سوبر ماما طالبين فيه مذيعين...

عرضت عليهم من خلال فيديو عملته بنفسى لأنى حسيت ان الأحسن اخلى شغلى اللى يتكلم...فبدل ما اقول انى بقدر اعمل كذا...قلت اواريهم اللى اقدر اعمله...انى بقدر اعمل فيديوهات من الألف لليه بنفسى

كان املى انى اغطى على فرق المكان ( هما فى مصر و انا هنا فى الأردن)

وبالفعل عجبهم شغلى و بدأت رحلتى معاهم فى برنامج لعب فى لعب

ودلوقتى بعد سبع شهور جهزت موقعى الخاص

وبدأت قناتى الخاصة على اليوتيوب

يعنى من انهاردة مقالتى الجديدة حتنزل فى موقعى الجديد www.omomaty.com

و كل خميس ان شاء الله هينزل فيديو جديد فى قناتى على اليوتيوب...

وطبعا فيه صفحتى على الفايس بوك  كمان اكونت على الانستجرام

مستنياكوا هناك و ربنا يكرمنى و يكرمكم يا رب :)

يوميات ماما - مثلى اﻷعلى الجديد!

بما ان الحياة مليئة بمبررات اﻻحباط و مثبطات الهمة...

فالطبيعى ان يجد المرء نفسه للعرضه للاحباط واﻻستسلام 

يوميات ماما - من راقب الناس...

اكتبى فى التعليق " أنا" اذا كنت تشعرين انك بالذات حياتك اصعب من اﻵخرين

دايت- الماء!

http://www.dailymail.co.uk/femail/article-2480491/How-drinking-litres-water-day-took-years-face.html

مقالة اليوم مش بتاعتى....

بس مقدرتش ما اشارككمش فيها...

يوميات ماما- ١٠ خطوات لجعل حياتك أسعد

بالطبع حياتنا مليئة بالضغوط....

لكن هناك بعض العادات و بعض التغيرات فى اسلوبنا فى التفكير يمكنها أن تجعل الحياة أكثر سعادة...

وتذكروا...أى شىء جديد يصبح عادة بعد تكراره ٢١ يوما

يوميات ماما- يلا نكمل لمتنا!

عدت اليكم من جديد يا حبيباتى بعد انتهاء رمضان و العيد و نهاية سفريتى الشيقة الى مصر...

ها أنا ذا أعود من جديد...وحشتونى...

يوميات ماما- عن النكد, الاكتئاب....ومتلازمة الزوجة الشهيدة

قبل زواجى...من باب الاستعداد للزواج...قراءت الكثير من الكتب عن سيكولوجية الرجل و المراءة و اسباب النجاح و الفشل فى الزواج و العلاقات طويلة المدى....

يوميات ماما- المطار

مطار الملكة عالية -عمّان:

٢٠١٢

أمومة مميزة - أسرة مركبة

اﻷم التى سأتحدث عنها اليوم ﻻ اذكر اسمها...

ولست على اتصال بها من أى نوع...

لكن اينما كانت...فتحياتى لها من صميم قلبى

امومة مميزة- صغار فى عالم كبير

مبدأيا أى أم لديها اكثر من طفلين بالنسبة لى هى كائن اسطورى شبيه بألهه الاوليمب... او شخصيات القصص المصورة الخارقين

المشى فى البيت

http://www.yumyucky.com/2012/03/home-workout-essentials-leslie-sansones-walk-at-home-series.html

تكلمنا كثيرا الى اﻷن عن ممارسة الرياضة...
وآن الاوان لنتوقف عن الحديث ونبدأ فى التنفيذ...
ولهذا ياحبيباتى أشارككم فى مدربتى المفضلة ليزلى سانسون
 كما وعدتكم التدريب مع ليزلى يحقق كل ما تتمناه أى ماما فى التدريب...

•  عدم اﻻحساس بالارهاق الشديد بعد التمرين
• عدم الاحتياج الى مساحة كبيرة أو أدوات غالية الثمن
• ﻻ ضغط على المفاصل
• ﻻ قفز وﻻ انحاءات وﻻ حركات صعبة

الجميل فى الموضوع أن هناك الكثير من الاختيارات تناسب أى حياة...

مثلا هذا الفيديو مدته أقل من نصف ساعة بمجهود قليل مما يناسب المبتدئين جدا...

https://www.youtube.com/watch?v=ykPr0t2KutY

ستجدين الكثير من فديوهات ليزلى على الyoutube مقسمة حسب المسافة...بدأً من 1 ميل و حتى 5.

عادة يترواح مدة الفديو بين ال25 دقيقة الى الساعة و الربع ..

مثلا فيديوهات الميل الواحد والميلين نفس المدة الزمنية تقريبا 25 دقيقة لكن الفارق هو فى سرعة و تنوع الحركات مما يؤدى الى المشى لمسافة ميل أو اثنين فى أقل من نصف ساعة...

كما سترين عندما تزورين موقع ال you tube وتبحثين عن

walking at home lislie sansone ستجدين أنها عادة ﻻ تستخدم اى أدوات رياضية اﻻ أوزانا خفيفة فى اليدين وتوفر لك الاختيار اذا احببتى أن تجرى تعديلا بسيطا لحركاتك اذا لم يكن لديك اوزانا وتريدين أن تحصلى على أفضل نتيجة

تجربتى الشخصية معها أننى أحب تمارين ال3 اميال ﻷننى اشعرأنها توفر لى درجة التحدى التى اريدها فهى ليست فى غاية الصعوبة وﻻغاية السهولة كذلك...لكن طبعا لكل قدرته المهم أن نتحرك :)

جربيها و اخبرينى برأيك... ؛)

يعنى إيه إمرآة ناجحة؟؟؟

السؤال ده طبعا ليه بلايين الأجابات, كل واحد و أولوياته بقة!

أنا عن نفسى,كان عندى صورة واضحة و محددة جدا للست الناجحة.

بس قمت قلت أعمل بلوج!

أخيرا شوية وقت لوحدى! إبنى نام...وجوزى نام أهوه, و بنتى الى لسه جوايا....لأ مش نايمة دى نازلة ضرب فيا... أنا متأكدة إنها بتحاول 

تحفر بطنى و تطلع من نصها!

الكل نايم و الساعة حوالى 12 بليل, وأنا مش جايلى نوم...طب أعمل إيه..أعمل إيه...بس قمت قلت أعمل بلوج! إشمعنى؟ والله فى الواقع و فى الحقيقة فيه سبب مهم...إنى أشارك ذكرياتى المهمة و الحلوة مع...مش عارفة مع مين, مش عارفة إذا حد حيقرأ الكلام ده ولا لأ, بس حتى لو محدش أقراه, يمكن فى يوم من ذات الأيام ولادى يقروه, ويمروا بتجربة قلما مر بيها حد ( على حد علمى) الا وهى إنهم يتعرفوا على مامتهم الإنسانة, بكل عيوبها , أخطائها, خصوصا و هى بتستكشف ذلك العالم المجهول الجديد المسمى عالم الجواز والأمومة العجيب. بس أنا ظنى إنه ممكن حد يقرا الكلام ده غيرهم...حد يكون ذى حالاتى, ذى حالاتى إذاى؟ ذى ما أنا كاتبة فى ال about بتاع البلوج...

أنا فعلا حاسة إن حياتى هى حياة سندريلا ,لأنى ذيها عشت أحلم بأمير الأحلام والحمد الله بعد عناء و تعب لقيته آخيرا, وإتحقق الحلم. و خدنى الأمير لمملكته. طب و بعدين؟؟؟؟ أهو أنا دلوقتى فى مرحلة البعدين دى, بعد تتر النهاية مابينزل بيحصل إيه؟ الى إكتشفته إن الحياة بعد التتر, و بالذات بعد الحصول على لقب الأمومة مليانة أحداث يمكن أكثر تشويقا و إثارة من قبل! بس مش عارفة ليه سايبنها وماسكين فى ماقبل بإعتبار إن الحياة بعد الأمومة سهلة و متوقعة مثلا؟؟؟؟ أى حد ذى حالاتى عارف إنه أكييييييييييييييييييييييييييد لأ....

عشان كدة قلت أعمل blog عشان نتكلم فى الحياة المليانة بالأحداث, يمكن واحدة يتقراها تلاقى نفسها فيها. تحس إنها فضفضت شوية و يمكن حتى كمان تستفيد منه, ماهو مش كله رغى عنى فى الهوا و خلاص. أهى تجارب مرت عليا و غيرت كل حاجة فى حياتى, و يمكن يكون فى حد هنا أو هنا بيمر أو مر أو حيمر بنفس الشىء

لأنى فعلا إقتنعت إن الأمومة مش أمومة وبس,,,لأ دى أمومة طاغية!

إيه رأيكم؟ أكمل ولا بلاش؟